الحزب القومي التونسي يؤمن بقيم عليا و يبني على أساسها فكروا وبرنامجوا السياسي و ماهوش حزب الأفكار المجردة والبرامج السياسية الجافة ولذلك أيا كان يحب ينخرط و يحب يولي عضو أو حتى يحب يتعرف على الحركة القومية التونسية لازمو يفهم الإيمان القومي التونسي.
1. الإيمان بالأمة التونسية:
يؤمن القومي التونسي إيمانا راسخا بأن تونس هي أمة مستقلة تماما و انو تونس ما تجيش جزء من أي أمة أخرى سواء كانت عربية أو إسلامية أو أمازيغية. نحن نؤمن أن تونس كدولة-شعب و وطن هي أمة مكتملة الأركان و لذا القومي التونسي يرفض كل أنواع المشاريع الي تحب تذوب تونس في فضاء جغرافي/لغوي/ديني/جيني كبير بتعلة صغر تونس أو فقر تونس. نحن نؤمن أن تونس هي جسد سياسي-اجتماعي كامل عضويا و منفصل على غيرو من الأجساد الإنسانية و لذا فإن العقائد القومية الأخرى من عربية وإسلامية وأمازيغية نرفضها رفضا باتا وللأبد و نؤمنوعالاخر بأن تونس من حقها ومن واجبها زادة إنها تشق مسارها التاريخي الخاص معتمدة على روحها كهو.
2. الإيمان بالدولة القومية التونسية:
القومي التونسي يؤمن بالدولة التونسية كمحقق للإرادة العامة التونسية و يؤمن بالدولة كجهاز عصبي للأمة التونسية وشرط ضروري لوجودها أصلا و انو التاريخ التونسي الحقيقي نستمده من تاريخ الدولة التونسية. القومي التونسي يؤمن أن مهمة الدولة هي تحقيق الإرادة العامة والتركيز على المسائل الكبرى السياسية، الإدارية، العسكرية، الأمنية، القضائية، المالية، الاقتصادية، التعليمية والعلمية فقط و باقي المسائل بالخصوص الاجتماعية، الفنية، الرياضية والدينية ماهمش من مهام الدولة أبدا و إنما مسؤوليات الأفراد والجماعات التونسية.
نحن نؤمن أن مهمة الدولة تحقيق الإرادة العامة السامية الراقية التقدمية مش العناية بالأفراد وتوفير الرفاهة ليهم أو العناية بالفنانين والرياضيين و كيف كيف العناية بشؤون الدين. من هذه الناحية الحركة القومية التونسية ترى أن واجب الدولة وسبب وجودها أصلا و أساس شرعيتها هو مدى تركيزها ونجاحها في تحقيق العظمة والمجد التونسي في جميع النواحي السياسية، العسكرية، الاقتصادية والعلمية كهو وباقي المجالات يتلهاو بيهم المهتمين.
3. الإيمان بالقدرة التونسية:
القومي التونسي يؤمن بأن الأمة الدولة والمواطن التونسي بمقدورهم تجاوز المستحيل ايه نؤمنوابأنو المستحيل ليس تونسيا و انو من واجبنا كتوانسة إنو نواجهوا كل أنواع العراقيل، التحديات و الأعداء في طريق القوة، السيادة والتقدم التونسي. نؤمنوا بأن الروح التونسية هي الطاقة المطلقة الي لازم نعتمدوا عليها مستقبلا لتحقيق أي مشروع تونسي.يؤمن القومي التونسي بأنو الإنسان التونسي ماينقصو حتى شي و لذا فإنو بالوعي و الإرادة و العزيمة، وخصوصا بالتضحيات كل أنواع التضحيات بش تتحقق الملحمة التونسية المنتظرة وبش يشرق فجر تونس و بش نبهروا رواحنا قبل العالم.
4. الإيمان بالمواطن التونسي :
يؤمن القومي التونسي بأن التونسي قادر على تحمل المسؤولية وإنو قادر على الإهتمام و الإعتناءبروحو و المساهمة في الحياة العامة. يؤمن القومي التونسي بأن المواطن التونسي من واجبو تدبير الخدمة وتحسين ظرورفو الاقتصادية و الاجتماعية و انو مالازموش يرمي حملو على الدولة ويطلب منها إنها تعاونو.
يؤمن القومي التونسي بالتونسي الحربي الي يعمل على روحو في كل شي و الي الدولة تعمل عليه تعمل على مساهمتو في ميزانيتها مساهمتو في المجهود الحربي و كذلك مساهمتو في الحياة العامة. يؤمن القومي التونسي بالمواطنة التونسية كقيمة عليا لسادة تونسيين مش لبكاية أو فرايجية أو إنتظاريين. يؤمن القومي التونسي بأن المواطن التونسي من واجبو متابعة الحياة العامة وأخذ موقف من كل شي و خصوصا مواجهة كل الإنحرافات السياسية الأخلاقية في الأمة.
يؤمن القومي التونسي بالمواطن التونسي الواعي والفاعل في حياتو الشخصية والحياة القومية و الإنسانية.
5. الإيمان بالتضحية:
يؤمن القومي التونسي بالتضحيات العامة وبأنو من واجب كل التونسيين بدون إستثناء التضحية بالوقت، الفلوس والجهد، الأعصاب والدم والحياة بيدها على جال الأمة وخصوصا وقت الأزمات العامةو انو التضحيات هاذيماهيش مزية أبدا و ماتستحقش تعويضات وإنما تقدم بطيب خاطر وإرادة كاملة من المواطنين الحقيقيين و من الشعب الحي.
6. الإيمان بالحياة و الروح الإنسانية:
يؤمن القومي التونسي بالحياة كسلسلة تحديات وكمغامرة يجب أن تخاض لأقصى الحدود. يؤمن القومي التونسي انو الحياة هي حركة، فعل، مواجهة، تحدي، توسع، امتداد وحرب كان لزم لتحقيق الغايات البعيدة وإنو الحياة الحقيقية هي الجهاد المستمر لأجل التقدم وتوسيع مجال الفعل. يؤمن القومي التونسي بالروح الإنسانية الخالدة الي هي مكمن كل القوة الإنسانية و مكمن كل الوعي، الإرادة، الفكر و مكمن التغيير الحقيقي ولذلك يرفض القومي التونسي كل أنواع الحجج متاع مانجموش، ماخلوناش، بلادنا صغيرة، بلادنا فقيرة وشعبنا شوية… يرفضها جذريا و يراها تعلات فارغة إنهزامية و إنبطاحية ومعادية للأمة التونسية.
يؤمن القومي التونسي بأن الروح الإنسانية خلقت لتسود الكون وإنو مهمة الإنسان إنو يسود و يحكم الكون و إنو في هذه المهمة مالازمو يعتمد كان على روحو و انو في عمق الروح الإنسانية تكمن الطاقة العملاقة الطاقة الكافية لإجتراح المعجزات وقهر المستحيل.
إضغط للإطلاع على البيان التأسيسي
تابعو نشاط الحزب على مختلف الوسائط
[DISPLAY_ULTIMATE_SOCIAL_ICONS]